صباح الحزن يا جرحي ..

صباح الحزن يا جرحي ..
صباح الدمع اللي سافر على صرحي ..
صباح اللي ملامح طلته وجعه ..
صباح اللي لفى والجرح يا وسعه ..
عذاب الليل والدنيا وأصحابي تمادوا يطلبوا ذبحي ..
صباح الحزن يا جرحي ..
أنا وشلي في هالدنيا سوى عالم من الأحزان ..
خلايا جسمي مرسومه من الآهات والحرمان ..
أنا أدمنت وجعاتي وصرت إنسان ما يشبه ابد إنسان ..
صباح الحزن يا جرحي ..
يا عالم جيت لك برسم من أهداب الوجع حزني ..
ولو كان السبب واحد ابد والله ما هزني ..
يا قبري افتح ترابك إلى حضن الثرى خذني ..
تعبت اصعد على التهميش والنسيان ..
تعبت أتحمل الأحزان ..
صرخت بأغلى ما املك يا أيامي أنا إنسان ..
أحس الدنيا ترعبني وصرت اهرب من همومي ..
من يوم أنولد اسمي عصاني الحظ من يومي ..
صباح الحزن يا جرحي ..
في عيدك بحتفل ويا الحزن كل عام ..
أبذرف دمعه مهزومةأبحضن شعري والأقلام ..
أنا وشلي في هالدنيا
شعوري غاب ،، حزني من نهض ما نام ..
صباح الحزن للي ما عرف فرحه ..
وعايش أسنين ميت ما أظن يصحى ..
كأني للزمن مذنب وطيبي للزمن جنحه ..